Salam Redaksi :

Assalamualaikum Wr.Wb
Laianyo blog ko tainspirasi dari keinginan untuak maagiah kaba ka sia sajo dunsanak ambo, baiak nan ado dikampuang halaman atau nan tapandam di parantauan, paliang indak kaba nan kami sampaikan malalui blog dapek handaknyo paubek nan sadang hauih jo informasi sarato perkembangan nan tajadi dikampuang halaman wak ko.
Tapi samantangpun baitu, ibaraik bakato nan tuo-tuo, kok umua baru sataun jaguan darah nan baru satampuak pinang, nyampang kok ado nan salah dari barito nan disampaikan lewat blogko,kapado sanak sadonyo kami harapkan pulo ndak sagan-sagan untuak maagiah kritikan sarato saran ka alamat email kami isril_media@yahoo.co.id.
Bak balaia lah tibo ditapian, tipak manggolek lah tibo dinan data, salah jo jangga bari maaf kami nyampang kok ado nan tasingguang dek kanaiak, talendo dek katurun......wassalam